Εγκώμια εις τους Αγίους Μάρτυρες Μανουήλ Σαβέλ και Ισμαήλ οι εκ Περσίδος Διαλάψαντες Αυτάδελφοι
Στάσις α΄ . Ἦχος πλ. α΄. Ἡ ζωὴ ἐν τάφω.
Ὦ Τριὰς Ἁγία, καὶ Μονὰς ὁ Θεὸς, ταῖς πρεσβείαις τῶν τριῶν Ἀϑλοφόρων σου, τούτους λόγον μοι, δοξάσαι αὐτὸς δός.
Μανουὴλ πολύτλα, Ἰσμαὴλ καὶ Σαβὲλ, τοὺς ἀγῶνας ὑμῶν ἄσαι ἐϑέλοντι, γνῶσιν θείαν μοι παράσχοιτε ταχύ.
Μακαρίζομέν σε, μακαρία τριάς, τὴν κηρύξασαν Τριάδα τὴν ἄκτιστον, καὶ δοξάζομεν τὴν Ἄϑλησιν τὴν σήν.
Μακαρίζομέν σε, ὦ πολύτλα τριὰς, πρὸς Χριστὸν ἀποτμηϑεῖσαν τρισόλβιε, τὰς σὰς Κάρας, ἐριτίμους καὶ σεπτάς.
ἡ Ἀκροστιχὶς κατὰ Ἀλφφάβητον·
Ἀνταμείβεις πᾶντας, Μανουὴλ ἐκλεκτὲ, τοὺς τελοῦντας τὴν πανέορτον μνήμην σου, εὐλαβῶς ταῖς σαῖς πρὸς Κύριον εὐχαῖς.
Βέλη πῦρ καὶ ξίφος, καὶ καλάμους ὀξεῖς, ὑπομεῖνας δι’ ἀγάπην τοῦ Κτίστου σου, τοὺς στεφάνους νῦν λαμβάνεις πὰρ’ αὐτοῦ.
Γένη Ὀρϑοδόξων, σὺν Ἀγγέλων χοροῖς, πόλος ἄστρα καὶ στοιχεῖα φωστῆρες τε, ὁμοφώνως νῦν δοξάζουσιν ὑμᾶς.
Δός μοι σῶν χαρίτων, ϑεσπεσία τριάς, τὰς ψεκάδας ὅπως ᾄσω τοὺς ἄϑλους σου κατ’ ἀξίαν οὓς ὑπέστης ἀνδρικῶς.
Εὐσεβὴς ἡ μήτηρ, καὶ οἱ ταύτης βλαστοί, ὁ δὲ φὺς τῇ ἀσεβείᾳ ἐνέμεινε, ταύτης πᾶντας τοὺς πιστοὺς ῥῦσαι Χριστὲ.
Ζῆς τριάς ϑαλάμοις, οὐρανίοις Θεοῦ, βδελυχϑεῖσα γὰρ Περσῶν τὰ σεβάσματα, ἐβαπτίσϑης εὐσεβῶς Εὑνοϊκῷ.
Ἤμβλυνας τρισμάμαρ, τῷ Ἰουλιανοῦ, ἐν σταδίῳ ἀδεῶς τὰ ληρήματα, τὴν Τριάδα παραστήσασα σοφῶς.
Θανατοῖς τοὺς πρέσβεις, ὦ Ἰουλιανὲ, παρανόμως παραβάτα καὶ δόλιε, ἀλλ᾽ ἀπείληφας θεόϑεν τὰς ποινάς.
Ἰσμαὴλ γενναῖε, τῆς Περσίας βλαστὲ, καὶ τῆς Θράκης τὸ ἀκλόνητον ἔρεισμα, σῶσον πᾶντας τοὺς προστρέχοντας πρὸς σέ.
Κάτω νενευκυῖα, ἡ γενναία τριάς, παραβάτου τοῖς ἐδώλοις λατρεύοντος, τῷ Θεῷ ἐπεκαλεῖτο τὴν ἰσχύν.
Λιὰν ἀπτοήτως, ὡμολόγεις σαφῶς, ὦ τριὰς γενναιοτάτη ἐνώπιον, τοῦ τυράννου ἐν Τριάδι τὸν Θεόν.
Μανουὴλ δοχείον, τῆς Τριάδος κλεινὸν, τοῦ Πατρὸς καὶ τοῦ Ὑιοῦ καὶ τοῦ Πνεύματος, ταύτην ἵλεων ἀπέργασαι ἡμῖν.
Ναζωραίου νύμφη, μακαρία τριὰς, τριφεγγής τε καϑαρὰ καὶ ἀμόλυντος, ἀνεδείχϑης οὖ τὸ κάλλος καϑορᾷς.
Ξύλῳ προσεπάγης, καὶ τοῖς ἥλοις ὠμῶς, προσεπάρης καὶ τὰς χεῖρας καὶ πόδας τε, καὶ τοῖς ὄνυξιν ἐξέσϑης φεῦ δεινῶς.
Ὄρασις Ἀγγέλου, τὰς ὀδύνας εὐθὺς, τῶν Μαρτύρων τὰς πολλᾶς ἐπεκούφισε, καὶ τὰ σώματα διέϑηκε καλῶς
Παραβάτου νεύσει, καὶ ἀνόμῳ βουλῇ, ἱταμῶς παρὰ τεσσάρων αἰκίζεται, βαβαὶ ἕκαστος τῶν θείων Ἀϑλητῶν.
Ῥἥτωρ οὐκ ἰσχύει, οὐδὲ γένος βροτῶν, εὐφημῆσαι ἐπαξίως τους ἄϑλους σου οὓς ὑπέστης ὦ τριὰς ὑπὲρ Χριστοῦ.
Σαβὲλ, γενναιόφρον, ἐπιβλέψας ἰδέ, τοὺς τελοῦντας τὸ σεπτόν σου μνημόσυνον, ὧν καὶ πρόσδεξαι δεήσεις εὐμενῶς.
Τρέμω φεῦ τὴν ὥραν, Ἀϑλοφόροι Χριστοῦ, τῆς ἐξόδου μου ἀσώτως διάγοντος, τότε γένοισϑε προστάται μου θερμοί.
Ὑπὲρ πάντας φρίττω, ἀδεκάστου Κριτοῦ, τὴν ἡμέραν τῆς τῶν ἔργων ἐτάσεως, τότε ἕνδοξοι προσδράμοιτε ταχύ.
Φρίττει ἅπαν γένος, Ἰσμαὴ καὶ Σαβέλ, πῶς τυράννου μηχανὰς διελύσατε κωμῳδήσαντες τὰ εἴδωλα αὐτοῦ.
Χαίροντες γενναίοι, ταῖς λαμπάσι πυρός, τὰς μασχάλας καὶ πλευρὰς κατεφλέχϑητε, προτιμήσαντες τὴν δόξαν τοῦ Θεοῦ.
Ψάλλομεν ἐκ πόϑου, ὦ πολύτλα τριὰς, τοὺς σοὺς ἄϑλους καὶ ἀγῶνας καὶ σκάμματα, καὶ ϑαυμάζωμεν τὴν Ἀθλησιν τὴν σὴν.
Δόξα.
Ὠδὴν ἀναξίαν, ἣν προσνέμω ὑμῖν, τοῦ Χριστοῦ τοῖς Ἀϑληταῖς καὶ προστάταις μου, εὐμενῶς αὐτὴν προσδέξασϑε σοφοὶ.
Ἀνυμνοῦμεν Λόγε, σὲ τὸν πάντων Θεὸν, σὺν Πατρὶ καὶ τῷ Ἀγίῳ σου Πνεύματι, καὶ δοξάζομεν τοὺς τρεῖς σου Ἀϑλητας.
Καὶ νῦν. Θεοτοκίον.
Μαριὰμ ἐλπίς μου, μετὰ τοῦ Μανουὴλ, σὸν Υἱὸν Ἐμμανουὴλ καϑικέτευε, ὅπως λύσιν ἀποδῷ μοι τῶν παϑῶν.
Καὶ αὖθις τὸ πρῶτον·
Ὡ Τριὰς Ἁγία, καὶ Μονὰς ὁ Θεὸς, ταῖς πρεσβείαις τῶν τριῶν Ἀϑλοφόρων σου, τούτους λόγον μοι, δοξάσαι αὐτὸς δός.
Στάσις β΄. Ἦχος πλ. α΄. Ἄξιόν ἐστι.
Ἄξιόν ἐστι, μεγαλύνειν σε τὸν ἐν Τριάδι, εὐσεβῶς Θεὸν λατρευόμενον, ὃν ἐκήρυξε Μαρτύρων ἡ τριὰς.
Ἄξιόν ἐστι, μακαρίζειν σε τὴν τῶν γενναίων, Ἀϑλητῶν τριάδα τὴν ἔνϑεον, καὶ ἰσάριϑμον Τριάδι τῇ σεπτῇ.
Ἄξιόν ἐστιν, Ἀϑλοφόρους τρεῖς ἐγκωμιάζειν, Μανουὴλ τὸν ὄντως μακάριον, καὶ Σαβὲλ σὺν τῷ πανσόφῳ Ἰσμαὴλ.
Ἄξιόν ἐστι, τοὺς τρεῖς Μάρτυρας καὶ Αὐταδέλφους, εὐλαβῶς ὑμνεῖν ἀνατείλαντας ἐκ Περσίδος ὡς ἀστέρας φαεινούς.
ἡ Ἀκροστιχὶς κατὰ Ἀλφάβητον·
Ἅπαντες πιστοὶ, προσενέγκωμεν τοῖς Ἀϑλοφόροις, τοῦ Χριστοῦ ἐτήσια ᾄσματα, τὰ παλαίσματα κηρύττοντες αὐτῶν.
Βλὰξ τύραννος ὧν, τοὺς τρεῖς Μάρτυρας φρουρᾷ ἐγκλείει, ἀλλ᾽ αὐτοὶ συμφώνως ἐκραύγαζον, τῷ Κυρίῳ ἀλαλάξωμεν ψαλμοῖς.
Γέλωτα τρισὶν, Ἀϑληταῖς ὥφλησας ὦ παραβάτα, ὡς στρουϑίον γὰρ κατεπάτησαν, σὲ τὸν πάσης πονηρίας σοφιστῆν.
Δεῦτε Ἀδελφοὶ, ἑορτάσωμεν ἔργοις ἐνθέοις, τοὺς ἁγίους Μάρτυρας σήμερον, ὅπως λάβωμεν τὴν λύσιν τῶν κακῶν.
Ἔφραξας σοφῶς, Μανουὴλ τὰ παραβάτου χείλη, παριστῶν Τριάδα τὴν ἄκτισον, καὶ ἐδείχϑης ϑεολόγος ἀληϑῶς.
Ζήλῳ ϑεϊκῷ, τῶν Μαρτύρων ἡ τριὰς τοὺς ἥλους, Κεφαλαῖς καὶ νώτοις ὑφίσταται, καὶ τοῖς ὄνυξι καλάμους τοὺς ὀξεῖς.
Ἤκουσας φωνῆς, οὐρανόϑεν τῆς εὐκταιοτάτης, τῷ Θεῷ εὐχὴν ἀναπέμψασα, ἐκκαλούσης πρὸς ἀϑάνατον Ζωήν.
Θύονται οἱ τρεῖς, ὑπὲρ τοῦ τυϑέντος Θεοῦ Λόγου, ἡ γῇ δὲ φρικτῶς ἐκολπώσατο, τὰ σκηνώματα τῶν θείων Ἀϑλητῶν.
Ἰουλιανὲ, τῷ πυρὶ ῥιψῆναι ἐσοφίσω, μάτην τῶν Μαρτύρων τὰ Λείψανα, ὁ Θεὸς γὰρ διετήρησεν αὐτὰ.
Κρῖνα οἱονεὶ, ἀνεβλάστησεν ἡ γῇ τὰ σκήνη, Ἀθλητῶν καινῶς πως καμπτόμενα, τῇ δεήσει τοῦ πιστεύσαντος λαοῦ.
Λείψανα σεπτὰ, τῶν Μαῤτύρων ὁ λαὸς κηδεύει, πολλῆς εὐωδίας πληρούμενα, καὶ δωρούμενα ἰάσεις τῶν παϑῶν.
Μένει Μανουὴλ, τὸ σὸν ὄνομα εἰς τοὺς αἰῶνας, αἰνετὸν μετ᾽ ἤχου δ᾽ ἀπώλετο, τὸ τυράννου ὡς φησι θεῖος Δαβίδ.
Νέμεσις Θεοῦ, σὲ κατέλαβεν ὅτε τοὺς πρέσβεις, παραβάτα φεῦ ἐθανάτωσας, πληγωθέντα ἀοράτως τὴν πλευράν.
Ξόανα κωφὰ, καὶ τὰ εἴδωλα τοῦ ἀποστάτου, Μανουῆλ σοφῶς ἐκωμῴδηδας, καὶ ἐκήρυξας Τριάδα τὴν σεπτῆν.
Ὅπως τῶν παϑῶν, ἀπολαύσωμεν ἐλευϑερίας, τῇ σῇ νῦν προστρέχομεν Λάρνακι, καὶ τὴν λύσιν Μανουὴλ.
Πᾶσιν εὐμενῶς , Μανουὴλ ἀπόστειλον ταχέως, τᾶς αἰτήσεις τοῖς ἑορτάζουσι, σὴν ἐτήσιον καὶ θείαν ἐορτήν.
Ῥῦσαι σαῖς εὐχαῖς, τοὺς προσφεύγοντας τῷ σῷ Τεμένει, καὶ παρὰ τοῦ θείου Λειψάνου σου, αἰτουμένους τὰ ἰάματα πιστῶς,
Σέλας τὸ τριττὸν, τῆς Θεότητος τῆς ἀπροσίτου, σὺ τριὰς Μαρτύρων ἡ ἔνϑεος, ἐποπτεύεις εἰς αἰῶνας καϑαρῶς.
Τεῖχος ἀῤῥαγὲς, οἱ ὀμώνυμοι καὶ προστασίαν, Μανουὴλ καὶ πρέσβυν εὐπρόσδεκτον, σὲ κεκτήμεϑα προστρέχοντες πιστῶς.
Ὕπερϑεν ἡμᾶς, ἐποπτεύοντες, τοὺς ἐκτελοῦντας, τὴν ὑμῶν πανήγυριν ἔνδοξοι, ἱκετεύετε Θεὸν ὑπὲρ ἡμῶν.
Φάνητε πρᾳεῖς, Μανουήλ, Σαβέλ, Ἰσμαὴλ θεῖοι, ἐν τῷ τὴν ψυχήν μου χωρίζεσθαι, ἣν λυτρώσατε χειρῶν τοῦ πονηροῦ.
Χεῖρας πρὸς Χριστὸν, ἐπὶ τῇ φρικτῇ ἐκείνῃ ὥρᾳ, οἴμοι τῆς τῶν ἔργων ἐτάσεως, συνεκτείνατε ταχὺ ὑπὲρ ἐμοῦ.
Ὤκησας αὐλὰς, Οὐρανῶν τριὰς θεία Μαρτύρων, καὶ τῶν Ἀθλητῶν θεῖος ὅμιλος, σὲ προσδέχεται χορῷ τῷ ἑαυτοῦ.
Δόξα.
Ἄκτστε Τριὰς, σὲ Ὑπέρϑεε δοξολογοῦμεν, ῥῦσαι ταῖς λιταῖς τῶν Μαρτύρων σου, τοὺς πιστεύοντας εἰς σε τοῦ πονηροῦ.
Καὶ νῦν. Θεοτονίον.
Ἄναρχον Θεὸν, ἡ κυήσασα ἀῤῥήτῳ λόγῳ, σὺν τοῖς Ἀϑλοφόροις ἱκέτευε, αὐτὸν ἵλεων γενέσϑαι ἐφ᾽ ἡμῖν.
Καὶ αὖθις τὸ πρῶτον·
Ἄξιόν ἐστι, μεγαλύνειν σε τὸν ἐν Τριάδι, εὐσεβῶς Θεὸν λατρευόμενον, ὃν ἐκήρυξε Μαρτύρων ἡ τριὰς.
Στάσις γ΄. Ἦχος γ΄. Αἱ γενεαὶ πᾶσαι.
Ὦ Θεὲ τῶν ὅλων, σὺ δίδαξόν με ἆσαι, Μαρτύρων τὴν τριάδα.
Ὦ Μάρτυρες Κυρίου, φωτίσατέ μὲ ὅπως, ὑμᾶς ἀνευφημήσω.
Αἱ γενεαὶ πᾶσαι Μανουῆλ τὸν μέγαν, δοξολογοῦσι πόϑῳ.
ἡ Ἀκροστιχὶς κατὰ Ἀλφάβητον·
Ἄνω συνευφραίνη, χοροῖς τῶν Ἀϑλοφόρων, ὦ τριὰς Ἀϑληφόρε.
Βέλεσιν ἐτρώϑης, ὦ Μανουὴλ. πολύτλα, ὑπὲρ τῆς εὐσεβείας.
Γένος πιστῶν ἅπαν, αἰνεῖ σε ὁλοψύχως, ὦ Σαβὲλ γενναιόφρον.
Δύναμις τυράννου, οὐδόλως ἠδυνήϑη, σὲ Ἰσμαὴλ νικῆσαι.
Ἔπαρον τὰς χεῖρας, πρὸς τὸν Θεὸν πολύτλα, ὑπὲρ τῶν σὲ τιμώντων.
Ζῷσιν ἐν Κυρίῳ, οἱ Δίκαιοι εἰκότως, κατὰ τὸν Σολομῶντα.
Ἤσχυνε τὸν λάλον, ἐν μέσῳ τοῦ σταδίου, ἡ τριὰς Αὐταδέλφων.
Θράκῃ ἐγκαυχᾶται, ἔχουσα ἐν κόλποις, τᾶς τῆς τριάδος Σκήνη.
Ἰκρίῳ προσεπάγης, καὶ ἥλοις προσεπάρης, τὰς χεῖρας καὶ τοὺς πόδας.
Κρύπτα γῆ πρεπόντως, τὰ Σκήνη τῶν Μαρτύρων, ἐφ᾽ ᾧ λαὸς πιστεύει.
Λείψανα Μαρτύρων, εὐχαῖς τῶν Ὀρθοδόξων, ἡ γῆ ὀσμῇ ἐκβάλλει.
Μανουὴλ Τρισμάκαρ, τῇ τοῦ ϑανάτου ὥρᾳ, σύ μοι γενοῦ προστάτης.
Νεῦσον τριὰς Μάρτυς, πρὸς τὰς ἡμῶν δεήσεις, ὡς χρυσὸς τῆς χήρας.
Ξίφος πῦρ καὶ ἥλους, οὐδαμῶς ἐπτοήϑης, αἰκισμοὺς καὶ καλάμους.
Ὅρασις Ἀγγέλου, τοὺς Μάρτυρας ϑαῤῥύνει, πρὸς τὰ λοιπᾶ τῶν πόνων.
Ῥήσεσιν ἐνθέοις, ἠμβλύνατε τρεῖς Παῖδες, τοὺς λήρους τοῦ τυραᾶννου.
Σαβὲλ Μανουήλ τε, καὶ Ἰσμαὴλ οἱ θεῖοι, χαίρετε ἐν Κυρίῳ.
Τοὺς Μάρτυρας Κυρίου, τιμήσωμεν ἐνθέως, ἐν τῷ αὐτῶν Τεμένει.
Ὑπὸ τῶν πολλῶν μου, ἁμαρτιῶν προσφεύγω, τῇ σκέπῃ τῶν Μαρτύρων.
Φάνηϑί μοι πρέσβυς, τριὰς ἡ Ἀϑληφόρος, ἐν ὥρᾳ συντελείας.
Χαίρουσα ἐξέσϑης, τὰς σάρκας μακαρία, βαβαὶ τῆς σῆς ἀνδρίας!
Ψάλλομεν προθύμως, τοὺς σοὺς φρικτοὺς ἀγῶνας, ὠ τριὰς ἐτησίως.
Ὦ Μανουὴλ πολύτλα, ὑπὲρ σῶν ὁμωνύμων, Ἐμμανουὴλ δυσώπει.
Δόξᾳ.
Τρησίλιε Θεέ μου, διὰ τῶν Ἀϑλοφόρων, δός μοι πταισμάτων λύσιν.
Καὶ νῦν. Θἑοτοκίον.
Ἡ Θεοτόκος Κόρη, Ἐμμανουὴλ ἡ Μήτερ, τὸν Μανουὴλ σε στέφει
Καὶ αὖθις τὸ πρῶτον·
Ὦ Θεὲ τῶν ὅλων, σὺ δίδαξόν με ἆσαι, Μαρτύρων τὴν τριάδα.
ΕΥΛΟΓΗΤΑΡΙΑ Ἦχος πλ. α΄.
Εὐλογητὸς εἶ Κύριε, δίδαξόν με σοὺς Μάρτυρας δοξάσαι.
Τῶν Ἀγγέλων τὰ πλήϑη, κατεπλάγησαν ἅμα, τοῖς χοροῖς τῶν ἀνθρώπων, τῶν Μαρτύρων γὰρ, Χριστοῦ διὰ ξίφους τμηϑέντων, παραυτίκα γῆ, σώματα ἐνέκρυψε, καὶ ὡς κρῖνα, αὖϑις ξένως ἀνέδωκεν.
Εὐλογητὸς εἶ Κύριε, δίδαξόν με, σοὺς κήρυκας τιμῆσαι.
Τὶ ἰκρίῳ, ἱταμῶς τοὺς Μάρτυρας, παραβάτα προσπηγνύεις; οὐχ ὁρᾷς δὲ ἐπ’ αὐτοῖς τὸν Ἄγγελον, κουφισάμενον τὰς ἀλγηδόνας; ἴδε κἂν αὐτὰ, τὰ ἔϑνη πιστεύσαντα, ὅτι Κύριος ἐνεργεῖ τὰ ϑαυμάσια.
Εὐλογητὸς εἶ Κύριε, δίδαξόν με, τρεῖς Ἀϑλοφόρους ἆσαι.
Λίαν ϑερμῶς, οἱ τρεῖς πρέσβεις ἔδραμον, πρὸς τὸν Ἄνακτα συμβάσεις πράξαι, ἀλλ᾽ ἐκεῖνος, πρὸς αὐτοῦς παράνομα ἐλάλει, παῖδες τῶν Περσῶν, ϑύσατε θεοῖς ἐμοῖς· οἱ δὲ τρεῖς Ἀϑληταὶ, τούτους ἐκωμῷδησαν.
Εὐλογητὸς εἶ Κύριε, δίδαξόν με, τὸν Μανουὴλ αἰνέσαι.
Μυροϑήκη Λειψάνου, Μανουὴλ τὰς ἰάσεις, προσερχόμενοι πίστει ἀπαντλοῦμεν, κέκτηται γὰρ, τὴν πηγὴν τῶν ϑαυμάτων, μὴ οὖν ὡς νεκρὸν, τὸν ζῶντα νομίζομεν· ἐνεργεῖ γὰρ ὀσημέραι τεράστια.
Δόξα. Τριαδικόν.
Προσκυνοῦντες σὺν τρόμῳ λατρευτῶς ἀνυμνοῦμεν, τὴν Ἁγίαν Τριάδα, μετὰ θείων Μαρτύρων, ἐν μιᾷ τῇ οὐσίᾳ, σῦν τοῖς Σεραφείμ, κράζοντες το· Ἅγιος Ἅγιος Ἅγιος εἶ Κύριε.
Καὶ νῦν. Θεοτοκίον.
Ζωοδότην τεκοῦσα, Μαριάμ, τῆς γεέννης, τοὺς πιστοὺς ἐλυτρώσω· Ἀϑληταῖς δὲ τὴν θείαν, ἀῤωγὴν σὺ παρέσχες, πάντων παρορᾷν, ἅπασι κηρύττειν δὲ, τὸν ἐκ σοῦ σαρκωθέντα Θεάνϑρωπον.
Ἀλληλούια, Ἀλληλούια, Ἀλληλούια, Δόξα σοι, ὁ Θεός. (ἐκ γ΄)
